သင်မှာ ဖေ့စ်ဘွတ်အကောင့်တစ်ခု ရှိလား။ ဒါဆိုရင် Facebook ကပေးမယ့် လျော်ကြေးငွေ ၇၂၅ သန်းကို ရနိုင်ဖို့ အခွင့်အလမ်းရှိပါတယ်။ ဟုတ်ပါတယ်။ ဒါပေမယ့် ဒီလျော်ကြေးကို ရဖို့ ပထမဆုံး လိုအပ်ချက်က သင့်မှာ ၂၀၀၇ မေလ ကနေ ၂၀၂၂ ဒီဇင်ဘာလအတွင်း အသုံးပြုနေတဲ့ Facebook အကောင့်တစ်ခု ရှိရမှာ ဖြစ်ပြီး ဒုတိယအနေနဲ့ သင်ဟာ အမေရိကန်နိုင်ငံမှာ နေထိုင်သူ ဖြစ်ရပါမယ်။
၂၀၁၈ ခုနှစ်မှာ Facebook ဟာ Cambridge Analytica လို့ ခေါ်တဲ့ အဖွဲ့အစည်းတစ်ခုထံကို အသုံးပြုသူ ၈၇ သန်းရဲ့ ကိုယ်ရေးအချက်အလက်တွေကို အသုံးပြုသူတွေရဲ့ ခွင့်ပြုချက်မပါပဲ ရောင်းချခဲ့တယ်ဆိုတဲ့ သတင်းပေါက်ကြားလာခဲ့ပါတယ်။ ဒီ သတင်းပေါက်ကြားလာပြီးတဲ့နောက်မှာ တကမ္ဘာလုံးတုန်လှုပ်ခဲ့ရပြီး ဒီအတွက် Facebook အနေနဲ့ တာဝန်ခံဖို့ တရားစွဲဆိုမှုတွေ ရှိလာခဲ့ပါတယ်။
တရားခွင်မှတ်တမ်းတွေအရ Facebook ဟာ Cambridge Analytica လို့ ခေါ်တဲ့ နိုင်ငံရေး အတိုင်ပင်ခံ အဖွဲ့အစည်းကို အသုံးပြုသူ ၈၇ သန်းရဲ့ အချက်အလက်တွေ ပေးခဲ့တာ ပေါ်ပေါက်ခဲ့ပါတယ်။ Cambridge Analytica ဟာ ၂၀၁၆ ခုနှစ် အမေရိကန်အထွေထွေရွေးကောက်ပွဲမှာ သမ္မတဟောင်း ဒေါ်နယ်ထရန့်ကို ကူညီပေးခဲ့တဲ့ အဖွဲ့အစည်းဖြစ်ပါတယ်။ ဒီတော့ ဒီအချက်အလက် ပေါက်ကြားမှုရဲ့ အကျိုးဆက်က ခန့်မှန်းလို့ မရအောင် ကြီးမားလှပါတယ်။
ဒီပေါက်ကြားမှုကြောင့် Facebook CEO မာ့ခ် ဇူကာဘတ်ကို အမေရိကန်လွှတ်တော်က တရားစွဲဆိုခဲ့ပါတယ်။
ဒီတရားစွဲဆိုမှု အပြီးမှာ Facebook ဟာ ကိုယ်ရေးအချက်အလက် ပေါက်ကြားမှုအတွက် ဒေါ်လာ ၇၂၅ သန်း ပေးလျော်ရတော့မှာ ဖြစ်ပါတယ်။ သင်ဟာ အမေရိကန်နိုင်ငံမှာ နေထိုင်သူဖြစ်ပြီး ၂၀၀၇ မေလကနေ ၂၀၂၂ ဒီဇင်ဘာလအတွင်း အသုံးပြုနေတဲ့ facebook အကောင့်တစ်ခု ရှိမယ်ဆိုရင် ဒီမှာ ဖောင်ဖြည့်ပြီး လျော်ကြေးတောင်းနိုင်ပါပြီ။
