မင်းတပ်မြို့နယ်က ယနေ့ အကြမ်းဖက် စကစတပ်တွေရဲ့ စစ်ရေးလှုပ်ရှားမှုအခြေအနေ

ယနေ့မင်းတပ် မြို့နယ်ရှိ့ မကွီအိမ်နူးမြို့နယ်ခွဲတွင် တပ်စွဲထားသည့် စစ်ကောင်စီစခန်းတစ်ခုကို ဒေသခံ Mindat CDF တပ်ဖွဲ့ထံ လက်နက် အပ်နှံပြီး စစ်ကောင်စီ အရာရှိတစ်ဦး အပါအဝင် လူဦးရေ ဆယ်ဂဏန်း ခန့် ပြည်သူနှင့် ပူးပေါင်းကြောင်း သိရသည်။

Mindat CDF မှ ဝင်ရောက် တိုက်ခိုက်သိမ်းပိုက်ရန် ရည်ရွယ်ထားသော်လည်း စခန်းမှူးဖြစ်သူ စစ်ကောင်စီအရာရှိ မှ တိုက်ပွဲ မဖြစ်စေချင်ဘဲ လက်နက်အပ်နှံ ပူးပေါင်းမည် ဆိုသောကြောင့် ၂ ဘက် သွေးမြေကျစရာမလိုဘဲ စခန်း သိမ်းနိုင်ခြင်းဖြစ်သည်။ ယနေ့ညနေပိုင်းတွင် DVB မီဒီယာမှ တဆင့် အင်တာဗျူးများ နှင့် မြေပြင် ဗီဒီယိုဖိုင်များ ပျံ့နှံ့လာခဲ့သည်။

စစ်ကောင်စီ တပ် ကားများ မကွေးတိုင်းမှ မင်းတပ် မြို့အတွင်းသို့ တောက်လျှောက် အဝင်အတွက် ရှိနေပြီး စစ်ကောင်စီတပ်များ ကား/ဆိုင်ကယ် များဖြင့် မြို့တွင်း ကင်းလှည့်နေကြောင်း သိရသည်။ စက်သေနတ်များပါ တပ်ဆင်ထားကြောင်း သိရသည်။

ယနေ့ ညနေပိုင်းတွင် မင်းတပ်-မတူပီ လမ်း ၅/၆ မိုင်ပတ်ဝန်းကျင်တွင် လက်နက်ကြီးသံများ ကြားနေရကြောင်းသိရသည်။ နယ်မြေခံ တပ်ရင်း ၂၇၄ အနီးတဝိုက်တွင်ဖြစ်ပြီး ခြောက်လှန့် ပစ်ခတ်ခြင်းမျိုး ဖြစ်နိုင်ကြောင်း သိရသည်။ ယနေ့ ညနေ ၆ နာရီတွင် စစ်ကောင်စီတပ်များအချင်းချင်း မူးရူးပြီး ပစ်ခတ်ရာ ရဲတစ်ယောက်ဒဏ်ရာရရှိကြောင်းသိရသည်။

ယနေ့ မင်းတပ်တွင် Covid-19 positive ထပ်တိုး လူနာ ၃ ဦးရှိပြီး၊ စုစုပေါင်း ၁၅ ဦးရှိကြောင်းသိရပြီး သံဃာ ၂ ပါး ပါဝင်ကြောင်း နယ်မြေခံ ပရဟိတမိတ်ဆွေ နာရေးကူညီမှု အသင်း၏ facebook စာမျက်နှာအရ သိရသည်။

ဒေသခံပြည်သူများ စစ်ရှောင်နေရာမှ ထပ်မံတိမ်းရှောင် ထွက်ပြေးနေကြရပြီး မိုးများဆက်တိုက်ရွာသွန်းနေသည့်အတွက် ရိက္ခာနှင့် ကျန်းမာရေး ဆိုင်ရာ ပြဿနာများ ကြုံတွေ့နေကြရသည်။

မကွေးတိုင်း တွင်းရှိ စစ်ရှောင်စခန်း များတွင်လည်း Covid-19 သံသယ လူနာများ စတင်တွေ့ရှိနေရကြောင်း သိရသည်။

မင်းတပ်တွင် ၁၆.၇.၂၀၂၁ နေ့၌ အပစ်အခတ် ရပ်နားခြင်း သဘောတူညီမှု ကုန်ဆုံး ပျက်ပြယ် ခဲ့ပြီး UNHCR အကူညီစတင်ဝင်ရောက်သည့် နောက်နေ့ ၂၁ ရက်နေ့မှ စ၍ တကျော့ပြန် တိုက်ပွဲ ပြန်ဖြစ်လာခဲ့သည်။

ယနေ့ ညနေ ၆ နာရီဝန်းကျင် ၅ မိုင်နားက ဦးမောင်းထန်းအိမ်နေရာနားကနေ အကြမ်းဖက်စစ်ကောင်စီတပ်က သေနတ် ၁၀ ချက်ဝန်း ကျင် ဖောက်ကြပါတယ်။ ပြီးနောက် မင်းတပ်ဖက်သို့ ကား ၂ စီးနှင့် ပြန်ဆင်းလာကြသည်။

မတူပီ နှင့် မင်းတပ်ကြားက လည်မျိုချောင်း အပေါ်မှာ ပုံမှန် စစ်ဆေးတဲ့ဂိတ်တွင် ယနေ့ အကြမ်းဖက်စကစတပ် ၅၀ ဝန်းကျင် နှင့် အစစ်အဆေးကြပ် နေတယ်လို့ သိရပါသည်။ ညနေပိုင်း မတူပီ-မင်းတပ်ကြားကားလမ်းပေါ်က ချန်ပြန်း ရွာသစ်နား မြေပြို လမ်း ပိတ်တဲ့ နေရာကို အကြမ်းဖက်စကစတပ်တွေ ၂ ခေါက်လာကြည့် ကြတယ်လို့ သိရပါသည်။