This post is also available in:
English
Google ရဲ့ နောက်ထုတ်မယ့် ဖုန်းဟာ Pixel 4a ဖြစ်လိမ့်မယ်လို့ သတင်းများစွာ ထွက်ရှိနေတာ ကြာခဲ့ပါပြီ။ Google ဟာ Pixel 4a မိတ်ဆက်မယ့်ရက်ကို တဖြည်းဖြည်း နောက်ဆုတ်လာခဲ့တာဟာ ဇူလိုင်လကုန်ထိ ရောက်ရှိလာပါပြီ။ အခုတော့ အားလုံး စောင့်မျှော်နေကြတဲ့ Pixel 4a မိတ်ဆက်မယ့်ရက်လို့ ယူဆရတဲ့ ရက်ကို Google က ကြေညာခဲ့ပါပြီ။
Google က ဒီရက်ကို ဒီတိုင်း သမရိုးကျ အသိပေးခဲ့တာ မဟုတ်ပဲ စိတ်ဝင်စားစရာဖြစ်အောင် ပြုလုပ်ထားပါတယ်။ Google ရဲ့ facebook page နဲ့ twitter စာမျက်နှာတွေမှာ အောက်က cover photo ကို ပြောင်းလဲထားပြီး twitter ရဲ့ bio မှာ ဝက်ဘ်ဆိုဒ်စာမျက်နှာတစ်ခုကို ထည့်သွင်းထားပါတယ်။
Twitter ရဲ့ bio မှာ ထည့်သွင်းထားတဲ့ ဝဘ်ဆိုဒ်စာမျက်နှာမှာတော့ ပိတ်ထားတဲ့ ဘလောက်တုံး ၆ ခုကို တွေ့ရမှာ ဖြစ်ပြီး ဘလောက်တုန်းကို နှိပ်လိုက်ရင် အရောင်တွေ ပြောင်းသွားတာ တွေ့ရမှာပါ။ အရောင်တွေကို Google ရဲ့ logo အရောင် (ပြာ၊နီ၊ဝါ၊ပြာ၊စိမ်း၊နီ) အတိုင်း အစဉ်လိုက် ပြောင်းပေးလိုက်ရင် အောက်က ပုံမှာ Aug 3 ရက်ဆိုတဲ့ ရက်စွဲတစ်ခု ပေါ်လာမှာ ဖြစ်ပါတယ်။ ဒါဟာ Pixel 4a ကြေညာမယ့် ရက်လို့ ယူဆနိုင်မှာ ဖြစ်ပါတယ်။
