Apple ရဲ့နောက်ဆုံးထွက် Series ထဲက iPhone 14 Pro နဲ့ Pro Max မှာလူတိုင်းကြိုက်ကြတဲ့ Feature အသစ်တစ်ခုဟာ အဓိကအပြောင်းအလဲအဖြစ် ပါလာပါတယ်။အဲ့ဒါကတော့ iPhone တွေရဲ့ Notch နဲ့ Notification Feature ကို လုံးဝအသစ်လုပ်ပစ်လိုက်တဲ့ Dynamic Island ပါ။ Camera Cut-out ကိုပါတစ်ခါတည်းပြောင်းထားလိုက်တဲ့အပြင် Notification ကိုဘယ်တုန်းကမှ မခံစားဖူးသလိုမျိုး ခံစားရစေမယ့် Feature အသစ်တစ်ခုဆိုလည်းမမှားပါဘူး။
အားလုံးကတော့ Dynamic Island ကိုခု iPhone 14 Series မှာမှအသစ်ပါလာတာလို့ ထင်ကြပါလိမ့်မယ်။တကယ်တော့ Dynamic Island ပုံစံတူ Function တစ်ခုဟာ ၂၀၁၅ ခုနှစ်ကထွက်ခဲ့တဲ့ LG V10 မှာပါလာခဲ့ဖူးပါတယ်။ဒါပေမဲ့ iPhone 14 လောက်တော့ Luxury မဆန်သလို Smooth လည်းမဖြစ်ပါဘူး။
ဒီလိုဆိုရင် Android User တွေကရော Dynamic Island ကိုသုံးနိုင်ပါ့မလားဆိုရင် Dynamic Spot ဆိုတဲ့ App ရဲ့အကူအညီနဲ့သုံးနိုင်ပါတယ်။လူတွေအများကြီး သုံးလည်းသုံးနေကြပါပြီ။
Jawomo ဆိုတဲ့ App Developer တစ်ယောက်ထုတ်ပေးထားတဲ့ Dynamic Spot ဆိုတဲ့ App တစ်ခုရဲ့အကူအညီနဲ့ အသုံးပြုနိုင်မှာပါ။လက်ရှိ Beta မှာပဲရှိသေးပေမဲ့ Function ကမဆိုးဘူးပြောနိုင်လို့ Download ပြုလုပ်သူပေါင်း တစ်သန်းတောင်ရှိနေပါပြီ။
ဘယ်လိုသုံးရမလဲဆိုရင်တော့ ပုံမှန် launcher App တွေသုံးနေသလိုပဲ App ကို Download ဆွဲပြီး Permission တွေပေးပြီးရင် Notification တက်စေချင်တဲ့ App ကိုရွေးချယ်ပြီး Dynamic Island အရသာကို ခံစားလို့ရပါပြီ။နောက်တစ်ချက်မဆိုးဘူးပြောနိုင်တာက အဲ့ဒီ Island လေးကို Screen ပေါ်မှာဘယ်နေရာရှိစေချင်လဲ ရွေးချယ်နိုင်တာပါ။ဒါကြောင့်ကိုယ့်ဖုန်း Sefile Camera ကဘေးမှာ Punch-Hole ဒီဇိုင်းနဲ့ရှိနေတယ်ဆိုရင်တောင် Camera နဲ့တစ်သားတည်းဖြစ်နေအောင် ချိန်ညှိအသုံးပြုနိုင်ပါတယ်။
လောလောဆယ် Pop-Up Notification ပေါ်တဲ့အထဲမှာ Message တွေ App Notification တွေ Timer တွေအကုန်ပါတဲ့အပြင် Music ကိုဆိုရင် Control ပါလုပ်လို့ရပါတယ်။ တရုတ်အမှတ်တံဆိပ်ဖုန်းတွေနဲ့ အသုံးပြုမယ်ဆိုရင်တော့ Permission ပိုင်းမှာနည်းနည်းပြဿနာရှိနိုင်ပြီး Beta သာရှိသေးလို့ အရမ်းကြီးလည်း Smooth မဖြစ်နေသေးပါဘူး။
iOS တစ်ခုခုလုပ်ပြလိုက်တာနဲ့ နောက်က Android တွေကတောက်လျှောက်လုပ်ပြနေတယ်ဆိုတာ ထပ်ဖြစ်တဲ့ပုံစံမျိုးပါ။ Dynamic island ကိုလည်း Apple ကပိုင်ဆိုင်ထားတာမဟုတ်တဲ့အတွက် သေချာတာကတော့ နောက်ပိုင်း Android ဖုန်းတွေမှာပါ တွေ့ရနိုင်ခြေရှိတာကတော့ သေချာပါတယ်။
