This post is also available in:
English
Apple က ရောင်းချမယ့် iPhone 12 မှာ နားကြပ်နဲ့ charger ပါဝင်မှာ မဟုတ်ဘူးလို့ လေ့လာသူတွေက ပြောဆိုပါတယ်။ လေ့လာသုံးသပ်သူတွေက အစဦးပိုင်းမှာ နားကြပ် မပါဝင်နိုင်ဘူးလို့ ခန့်မှန်းထားကြပြီး အခုအခါမှာတော့ နားကြပ်အပြင် charger ကိုပါ သီးသန့်ဝယ်ယူရနိုင်တယ်လို့ ဆိုပါတယ်။
Apple နှင့် ပတ်သက်ပြီး လေ့လာသုံးသပ်သူ Kuo က Apple ဟာ iPhone 12 ရဲ့ ဈေးနှုန်းကို iPhone 11 နဲ့ သိပ်မကွာစေလိုတာကြောင့် အခုလို ဆက်စပ်ပစ္စည်းတွေ ထည့်မပေးတော့တာလို့ ဆိုပါတယ်။ ဒါဟာ 5G ပါဝင်ခြင်းရဲ့ ကုန်ကျစရိတ်ကိုလည်း တဖက်တလမ်းက ကာမိစေမှာပါ။ ဒါ့အပြင် ထုတ်ပိုးမှုအရွယ်အစားလည်း သေးငယ်သွားနိုင်ပြီး သယ်ယူပို့ဆောင်တဲ့စရိတ်ကိုပါ လျှော့ချနိုင်မှာ ဖြစ်ပါတယ်။
Lightning cable ပါဝင်လာမလားဆိုတာတော့ သေသေချာချာမသိရသေးပါဘူး။ Apple ရဲ့ အခြား ထုတ်ကုန်ဖြစ်တဲ့ Apple Watch Series 3 မှာ Magnetic charging cable သာ ပါဝင်ပြီး power adapter/wall plug မပါဝင်ခဲ့ပါဘူး။
သတင်းထွက်ပေါ်နေတဲ့ 20W charger ဟာ မှန်ကန်သလောက်ရှိပေမယ့် iPhone 12 နဲ့အတူ ပါဝင်လာမှာ မဟုတ်ပဲ သီးသန့်ဝယ်ယူရမှာ ဖြစ်ပါတယ်။ Apple အနေနဲ့ 20W charger model အသစ်ကို လူသုံးများစေဖို့အတွက် ထွက်ရှိထားတဲ့ 5W နဲ့ 18W charger တွေကိုလည်း ရပ်ဆိုင်းဖို့ စီစဉ်နေတယ်လို့ Kuo က ဆက်လက်ပြောဆိုပါတယ်။
iPhone အသုံးပြုသူတွေအနေနဲ့ charger တွေနဲ့ နားကြပ်တွေက အများအပြားရှိပြီးသားဖြစ်လို့ အခုလို စီစဉ်တာဟာ လက်ရှိ အသုံးပြုသူတွေအတွက် လက်တွေ့မှာ အဆင်မပြေမှု ဖြစ်မှာ မဟုတ်ဘူးလို့ ဆိုပါတယ်။ ဒါပေမယ့် အသုံးပြုသူတွေရဲ့ ဝေဖန်မှုတွေကိုတော့ ကြုံတွေ့ရနိုင်ပါတယ်။ နားကြပ်မပါဝင်လာတော့တာဟာ Apple ရဲ့ AirPods ရောင်းအားကို တိုးမြှင့်လိုတဲ့ ရည်ရွယ်ချက်ကြောင့်လို့လည်း ပြောဆိုနေကြပါတယ်။
“People that don’t have them can just buy them, no big deal” …. That’s an extra $63 and change at the Apple Store. 10% of an iPhone 11’s price right there. pic.twitter.com/xIv5Y0CrLC
— Benjamin Mayo (@bzamayo) June 28, 2020
