သိန်း ၁၅၀ ဖိုး Email Marketing Service ကို အခမဲ့ ဘယ်လိုယူမလဲ

ပထမဆုံး Email Marketing အကြောင်း ပြောပြချင်ပါတယ်။ Email Marketing ဆိုတာ စီးပွားရေးလုပ်ငန်းတွေအတွက် ဒစ်ဂျစ်တယ်မားကတ်တင်းနည်းစနစ်တွေထဲက တစ်ခုပါ။ ကိုယ့်လုပ်ငန်းအတွက် Email Subscriber List ကို စုဆောင်းပြီး ကိုယ့်လုပ်ငန်းရဲ့ ပရိုမိုးရှင်းတွေမိတ်ဆက်တာမျိုး၊ ကုန်ပစ္စည်းတွေ မိတ်ဆက်တာမျိုးကို ပြုလုပ်ကြပါတယ်။

Email Marketing Service တွေထဲမှာ ထင်ရှားတာကတော့ MailChimp, Sendgrid အစရှိသဖြင့် ရှိပါတယ်။ ဝန်ဆောင်ခအနေနဲ့လည်း ကိုယ့်ရဲ့ Subscribers အရေအတွက်ပေါ်မူတည်ပြီး တစ်လကို 5 USD လောက်ကနေ ဒေါ်လာ ထောင်ကျော်ထိ ပေးရတတ်ပါတယ်။ အခု ပြောပြပေးမယ့် Email Marketing ဝန်ဆောင်မှုက Sendpulse ပါ။ တခြားဟာတွေနဲ့ မတူတာက Sendpulse မှာ Facebook Messenger Bot, Telegram Bot နဲ့ Whatsapp Bot တို့ကိုပါ အလွယ်တကူ ပြုလုပ်နိုင်တာပဲ ဖြစ်ပါတယ်။

ဆက်စပ်သတင်းများ

Xiaomi ရဲ့ MiUi တွေ အဆုံးသတ်ချိန် ရောက်ပြီလား။

Twitter ကို ယှဉ်ဖိုက်မယ့် ” ခြ ” သို့မဟုတ် Meta ရဲ့ Threads

ဒါ့အပြင် Sendpulse ရဲ့ တစ်နှစ်စာအတွက် သိန်း ၁၅၀ တန်ကြေးရှိတဲ့ Email Marketing ဝန်ဆောင်မှုကို အခမဲ့ ရယူနိုင်မယ့်အခွင့်အရေးတစ်ခုကို ပြောပြပေးချင်ပါတယ်။ ဟုတ်ပါတယ်။ သိန်း ၁၅၀ တန်ကြေးရှိတဲ့ ဝန်ဆောင်မှုကို အခမဲ့ ရယူနိုင်မှာပါ။

အဲ့တာကတော့ Sendpulse ရဲ့ Startup Program ပဲ ဖြစ်ပါတယ်။ Sendpulse ကနေ စွန့်ဦးတီထွင်လုပ်ငန်းသစ်တွေအတွက် ဒေါ်လာ ၅၀၀၀ ကို ကူညီပေးမယ့် အစီအစဉ်ဖြစ်ပါတယ်။ ဒီ အစီအစဉ်ကို ရယူနိုင်ဖို့အတွက် Sendpule က သတ်မှတ်ထားတဲ့ အောက်က သတ်မှတ်ချက်တွေတော့ ကိုက်ညီဖို့ လိုပါတယ်။

၁။ စွန့်ဦးတီထွင် လုပ်ငန်းသစ်တစ်ခု ဖြစ်ရပါမယ်။
၂။ လုပ်ငန်းသက်တမ်းက သုံးနှစ်အောက် ဖြစ်ရပါမယ်။
၃။ Online Shop တို့လို အများစုလုပ်ကိုင်နေတဲ့လုပ်ငန်းမျိုးတော့ ဖြစ်လို့ မရပါဘူး။

Sendpulse ရဲ့ startup program မှာ ပါဝင်ဖို့အတွက် အရင်ဆုံး Sendpulse မှာ အကောင့်ဖွင့်ထားရပါမယ်။ ဒီကိုနှိပ်ပြီး အကောင့်ကို Register လုပ်ပါ။

အကောင့်ဖွင့်ပြီးရင် အောက်ကလင့်ခ်ကို သွားပြီး Startup Program အတွက် လျှောက်ထားရပါမယ်။

Join Startup Program here

Apply now ကို နှိပ်ပြီး ဖောင်ဖြည့်ရပါမယ်။ Comment မှာ ကိုယ့်လုပ်ငန်းအကြောင်းကို စိတ်ဝင်စားအောင် ရေးနိုင်ရင် ပိုကောင်းပါတယ်။

ဖောင်ဖြည့်ပြီး လျှောက်ထားပြီးတာနဲ့ Sendpulse က စိစစ်တာကို စောင့်ရပါမယ်။ အောက်ကလို Email ရောက်လာပြီဆိုရင် Sendpulse က လက်ခံပါပြီ။

အပေါ်ကလို Email ရောက်လာပြီဆိုရင် ကိုယ်အကောင့်ဖွင့်ထားတဲ့ Email Address ကို သူတို့ဆီ ပြန်ပို့ပေးလိုက်တာနဲ့ ကိုယ့်အကောင့်ထဲကို ဒေါ်လာ ၅၀၀၀ ထည့်ပေးပါလိမ့်မယ်။

ရလာတဲ့ Balance USD 5000 ကို Email Marketing အတွက်သာမကပဲ Messenger Bot, Telegram Bot နဲ့ Whatsapp Bot တွေကိုပါ အသုံးပြုနိုင်မှာပါ။ တစ်ခုရှိတာက ဒီ USD 5000 က တစ်နှစ်စာအတွက်ပဲ ဖြစ်ပါတယ်။

တကယ်လို့ စိတ်ဝင်စားတယ်ဆိုရင် အခုလို Startup Program လေးတွေကို ရှာဖွေမိတ်ဆက်ပေးပါမယ်။ ကျွန်တော်တို့ ပို့စ်အသစ်တင်တိုင်း သိရဖို့ အောက်မှာ Subscribe လုပ်ထားနိုင်ပါတယ်။