သီချင်းတစ်ပုဒ်ကို နားထောင်နေရင်း ဘာသီချင်းလဲ သိချင်တဲ့အခါမျိုး၊ ဒါမှမဟုတ် သံစဉ်ကို သိနေတယ်၊ သီချင်းနာမည်ကို ပါးစပ်ဖျားတင် မေ့နေတတ်တာမျိုး ကြုံဖူးကြမယ် ထင်ပါတယ်။ အရင်က Shazam ဆိုတဲ့ app က သီချင်းတစ်ပုဒ်ဖွင့်ပြရင် ဘာသီချင်းလဲဆိုတာ ရှာပေးနိုင်ပါတယ်။ အခုတော့ Shazam ကို မေ့လိုက်လို့ ရပါပြီ။
Google ရဲ့ mobile Google app ကနေ (ဒါမှမဟုတ်) Search widget က microphone ကို နှိပ်ပြီးတော့ သီချင်းညည်းရုံ၊ လေချွန်ရုံ၊ သီချင်းဆိုပြရုံနဲ့ ဘာသီချင်းလဲဆိုတာ ရှာပေးမှာ ဖြစ်ပါတယ်။
ဒီလုပ်ဆောင်ချက်ကို iOS ရဲ့ Google app မှာ အင်္ဂလိပ်ဘာသာနဲ့ အသုံးပြုနိုင်မှာ ဖြစ်ပြီး Android မှာဆိုရင် ဘာသာစကား ၂၀ မျိုးနဲ့ အသုံးပြုနိုင်မှာ ဖြစ်ပါတယ်။ Google အနေနဲ့ နောက်ထပ် ဘာသာစကားတွေ ထပ်ထည့်ပေးနိုင်ဖို့လည်း ကြိုးစားနေတယ်လို့ ဆိုပါတယ်။
ဒါကို သုံးနိုင်ဖို့ သီချင်းဆိုကောင်းစရာ မလိုအပ်ပါဘူး။ Google က သံစဉ်တွေကို Machine Learning program တွေနဲ့ ချိတ်ဆက်ပြီး ရှာဖွေပေးမှာ ဖြစ်ပါတယ်။ တွေ့ရှိတဲ့ ရလဒ်တွေမှာ သီချင်းနာမည်၊ သီချင်းအချက်အလက်တွေ ပြပေးတာ ဖြစ်နိုင်သလို သီချင်းနားဆင်နိုင်မယ့် YouTube ကို ချိတ်ဆက်ပေးထားတာမျိုးလည်း ဖြစ်နိုင်ပါတယ်။
Copy this code to get iMovies Points.
