This post is also available in:
English
တကမ္ဘာလုံးက ဂျီမေးလ်အသုံးပြုသူများဟာ ယနေ့ နေ့လည် ၁၂ နာရီ ဝန်းကျင်ခန့်မှ စတင်ကာ ဖိုင်များ upload တင်ခြင်းနှင့် အီးမေးလ်ပို့ရာတွင် အခက်အခဲများ တွေ့ကြုံနေရကြောင်း သိရှိရသည်။ ယခု ပြဿနာကို ပုံမှန် Gmail အသုံးပြုသူများသာမက G Suite အသုံးပြုသူများပါ ကြုံတွေ့နေရခြင်း ဖြစ်သည်။ Gmail အပြင် Google Drive အသုံးပြုသူများပါ ဖိုင်တင်ခြင်း၊မျှဝေခြင်းများ ပြုလုပ်၍ မရနိုင် ဖြစ်နေသည်။
Down Detector တွင် ဖော်ပြချက်အရ မြန်မာအချိန် မနက် ၁၁ နာရီ ဝန်းကျင်ခန့်မှစတင်ကာ ယခုအခက်အခဲကို ကြုံတွေ့ရခြင်း ဖြစ်ပြီး အသုံးပြုသူအများစုမှာ ဖိုင် attachment များ တင်ရန် အခက်အခဲ ဖြစ်နေခြင်း ဖြစ်သည်။
ယခု ပြဿနာကို Google ကလည်း အတည်ပြုထားပြီး G Suite Status Dashboard တွင် အခုလို ဖော်ပြထားသည်။
“ကျွန်တော်တို့ ဒီပြဿနာကို ဖြေရှင်းဖို့ ကြိုးစားနေပါတယ်။ ဒီနေ့ ညနေ ၄ နာရီမှာ ပြဿနာကို ဖြေရှင်းနိုင်မယ်လို့ မျှော်လင့်ထားပြီး အသေးစိတ်ကို ဖော်ပြပေးသွားပါမယ်။”
Google အနေနဲ့ ယခုပြဿနာကို “ဝန်ဆောင်မှု အခက်အခဲဖြစ်ခြင်း” အဆင့် သတ်မှတ်ထားပြီး “ဝန်ဆောင်မှု ပြတ်တောက်ခြင်း” အဆင့်ဟု သတ်မှတ်ထားခြင်း မရှိပေ။
User reports indicate Gmail is having problems since 12:36 AM EDT. https://t.co/EsWw2oLYjH RT if you’re also having problems #Gmaildown
— Downdetector (@downdetector) August 20, 2020
နောက်ဆုံးသတင်း [မြန်မာစံတော်ချိန် ညနေ ၃း၀၀] : Google Status Page တွင် ရေးသားချက် –
“ကျွန်တော်တို့ ပြဿနာကို ဆက်လက်အဖြေရှာနေပါတယ်။ နောက်ဆုံးရအခြေအနေကို ယနေ့ ညနေ ၄ နာရီ ပတ်ဝန်းကျင်တွင် ဖြေရှင်းနိုင်မည်ဟု မျှော်လင့်ပါသည်။
Gmail sending issues, Meet recording issues, Creating files issues in Drive, CSV user upload issues in Admin Console, Posting message issues in Google Chat, Sites adding new pages issues, Keep issues, Voice mail issues”
နောက်ဆုံးသတင်း ( ၂ ) [မြန်မာစံတော်ချိန် ညနေ ၄း၁၀ ] : Google Status Page တွင် ရေးသားချက် –
“Gmail ဝန်ဆောင်မှုကို အချို့သောသူများအတွက် ပြန်လည် အသုံးပြုနိုင်နေပြီဖြစ်သည်။ အသုံးပြုသူအားလုံးအတွက် မကြာခင် ပြန်လည်အသုံးပြုနိုင်အောင် ကြိုးစားနေပါသည်။ “
နောက်ဆုံးသတင်း (၃) [ မြန်မာစံတော်ချိန် ညနေ ၅း၄၀ ] : Google Status Page တွင် ရေးသားချက် –
” Gmail ပြဿနာများကို ပြန်လည် ဖြေရှင်းပြီးခဲ့ပါပြီ။ အဆင်မပြေမှုအတွက် တောင်းပန်ပါတယ်။ အခုလို စိတ်ရှည်ရှည် စောင့်ဆိုင်းပေးတဲ့အတွက် ကျေးဇူးတင်ပါတယ်။
စနစ် တည်ငြိမ်ဖို့ဟာ ဂူးဂဲလ်ရဲ့ ပထမဦးစားပေးဖြစ်ပါတယ်။ ကျွန်တော်တို့အနေနဲ့ စဉ်ဆက်မပြတ် တိုးတက်အောင် ဆက်လက် ဆောင်ရွက်နေပါတယ်။”
