ပုံမှန်ထက် ပိုစောပြီး ထွက်လာဖို့ ရှိနေတဲ့ Xiaomi ရဲ့ Flagship Series ဖုန်းအသစ်

Xiaomi ဟာ သူ့ရဲ့ Flagship series ဖုန်းတွေကို ဖေဖော်ဝါရီလမှာ ကြေညာလေ့ရှိပေမယ့် ဒီတခါတော့ ပုံမှန်ထက် ပိုစောဖို့ ရှိနေပါတယ်။ Xiaomi ရဲ့ Flagship ဖုန်းအသစ် ဖြစ်လာမယ့် Mi 11 ဖုန်းကို ဒီဇင်ဘာလမှာ ကြေညာဖို့ ရှိနေတယ်လို့ နာမည်ကြီး ခန့်မှန်းသူ Ice Universe က ထုတ်ဖော်ပြောကြားထားပါတယ်။ Snapdragon 888 နဲ့ ထွက်ရှိလာမယ့် Xiaomi Mi 11 ဖုန်းကို ဒီဇင်ဘာလကုန်ပိုင်းမှာ ကြေညာဖို့ ရှိတယ်လို့ Ice Universe က ခန့်မှန်းထားပါတယ်။

Exclusive: Xiaomi Mi 11, the first mobile phone with Snapdragon 888, will be released at the end of December, with a four-curved screen design, which is its protective film. pic.twitter.com/fYbWq8tSUB

— Ice universe (@UniverseIce) December 3, 2020

Xiaomi အနေနဲ့ Snapdragon ရဲ့ နောက်ဆုံးထွက် Snapdragon 888 ကို သုံးပြီး ထွက်လာမယ်လို့ တရားဝင်ကြေညာထားပါတယ်။ Mi 11 ရဲ့ တခြား အချက်အလက်တွေကို သေချာမသိရသေးပေမယ့် ပိုပြီး powerful ဖြစ်ပြီး ဈေးပိုများမယ့် Mi 11 Pro ကိုတော့ quad-curved QHD+ AMOLED display ကို သုံးထားမယ်လို့ ခန့်မှန်းနေကြပါတယ်။