Facebook ဟာ မကြာသေးခင်က desktop version အတွက် dark mode ကို ထုတ်ပေးခဲ့ပြီး အခုအခါမှာတော့ android mobile app အတွက် dark mode ကို မကြာခင်မှာ ရရှိနိုင်တော့မှာပါ။ Facebook ဟာ messenger အတွက် dark mode ကို ၂၀၁၉ မတ်လက ထုတ်ပေးခဲ့ပါတယ်။ facebook ရဲ့ အခြားထုတ်ကုန်တွေ ဖြစ်တဲ့ instagram နဲ့ whatsapp အတွက်လည်း dark mode ရရှိနေပါပြီ။ ဒါပေမယ့် facebook mobile app အတွက် dark mode ကတော့ ထွက်ရှိဖို့ အချိန်နှောင့်နှေးနေခဲ့ပြီး အခုအခါမှတော့ facebook mobile app ရဲ့ dark mode screenshot တွေ ထွက်ရှိလာခဲ့ပါပြီ။
အောက်မှာ screenshot တွေကို ကြည့်ပါ။ သူ့မှာ dark mode ကို on/off လုပ်နိုင်မယ့်ခလုတ် ပါမှာ ဖြစ်ပြီး system setting ပေါ် မူတည်ပြီး ပြောင်းလဲနိုင်မယ့် function လည်း ပါမှာပါ။ ဒါ့အပြင် လုံးဝ black/white သက်သက်မဟုတ်ပဲ တချို့နေရာတွေမှာ facebook ရဲ့ အပြာရောင် အချို့ကိုလည်း တွေ့ရမှာပါ။ facebook အနေနဲ့ ဘယ်ရက်မှာ public ကို အသုံးပြုခွင့်ပေးမလဲဆိုတာတော့ မထုတ်ပြန်ထားသေးပါဘူး။
Facebook ဟာ android အတွက် Dark mode အပြင် တခြားလုပ်ဆောင်ချက်တွေကိုလည်း ထည့်သွင်းပေးဖို့ ရှိပါတယ်။ အဲ့တာကတော့ ပြည်တွင်း Corona Virus cases အရေအတွက်တွေကို ကြည့်နိုင်မယ့် လုပ်ဆောင်ချက်ဖြစ်ပါတယ်။
Facebook က လက်ရှိ Time on facebook လုပ်ဆောင်ချက်အတွက်လည်း ဒီဇိုင်းအသွင်အပြင်ကို ပြောင်းလဲဖို့ လုပ်ဆောင်နေပါတယ်။ ‘Time on facebook’ ဆိုတာ မိမိရဲ့ facebook app အသုံးပြုတဲ့အချိန်ကို မှတ်တမ်းတင်ပေးထားပြီး တစ်ရက်ကို ဘယ်နှစ်နာရီ သုံးတယ်ဆိုတာ ပြန်ကြည့်လို့ ရပါတယ်။
‘Time on facebook’ ကို အပိုင်းတစ်ခုချင်းစီအလိုက် ပိုမိုရှင်းလင်းတဲ့ ဒီဇိုင်းအဖြစ် ပြုလုပ်နေပြီး Screenshot ထဲမှာ မြင်ရတဲ့ ‘Quiet Mode’ ဆိုတာကတော့ လုပ်ဆောင်ချက်အသစ် ဖြစ်ပါတယ်။ ‘Quiet Mode’ ပြုလုပ်ထားမယ်ဆိုရင် facebook ရဲ့ notification တွေကို ဖုန်းမှာ ပြပေးမှာ မဟုတ်တဲ့အတွက် တခြားအလုပ်တွေကို အာရုံစိုက်လုပ်နိုင်မှာ ဖြစ်ပါတယ်။
ဒီ လုပ်ဆောင်ချက်အသစ်တွေကို ဘယ်ရက်မှာ အသုံးပြုခွင့်ပေးမယ်ဆိုတာ မသိရသေးပေမယ့် မကြာခင် အသုံးပြုလို့ ရလိမ့်မယ်လို့ မျှော်လင့်ရပါတယ်။
