စင်ကာပူနိုင်ငံတွင် Circuit Breaker ကာလ (၉) ရက်ထိ ရှိလာပြီဖြစ်ပြီး သတ်မှတ်ချက် အသစ်များကိုလည်း နေ့စဉ် ထုတ်ပြန်လျက်ရှိပါသည်။
ယနေ့ ထုတ်ပြန်ချက်အရ စင်ကာပူနိုင်ငံရှိ လူများအားလုံး(ခြွင်းချက်အချို့မှ အပ) အိမ်အပြင်ထွက်သည်နှင့် Mask သို့မဟုတ် Face Shield ကို မဖြစ်မနေ (မဖြစ်မနေ) တပ်ဆင်ရမည်ဖြစ်သည်။
လိုက်နာခြင်း မရှိလျှင် ပထမအကြိမ် ဒဏ်ကြေး – ဒေါ်လာ ၃၀၀ တပ်ခံရမည်ဖြစ်ပြီး ထပ်မံကျူးလွန်လျှင် ပိုမိုများပြားသော ဒဏ်ကြေး သိို့မဟုတ် တရားရုံးတွင် တရားရင်ဆိုင်ရမည်ဖြစ်သည်။
နိုင်ငံခြားသားဖြစ်လျှင် Work Pass သို့မဟုတ် PR status တို့ကို ပယ်ဖျက်မည်ဖြစ်ပြီး စင်ကာပူနိုင်ငံတွင် ရာသက်ပန် အလုပ်လုပ်ခွင့် ဆုံးရှုံးမည်ဖြစ်သည်။
ခြွင်းချက်အနေဖြင့် အသက် (၂) နှစ်အောက် ကလေးများနှင့် လေ့ကျင့်ခန်းပြုလုပ်နေသူများ Mask မတပ်သင့်ကြောင်း ဖော်ပြထားပြီး လေ့ကျင့်ခန်းပြုလုပ်နေသူများအနေဖြင့် လေ့ကျင့်ခန်းပြုလုပ်ပြီးလျှင် Mask တပ်ဆင်ရမည်ဖြစ်သည်။
လက်ရှိအချိန်တွင် မဖြစ်မနေ ကိစ္စများမှလွဲ၍ အပြင်ထွက်ခြင်းကို ရှောင်ကြဉ်ပြီး အိမ်ထဲတွင်သာ နေရန် တိုက်တွန်းထားသည်။
စင်ကာပူနိုင်ငံတွင် ယနေ့အထိ အတည်ပြုလူနာ ၃၂၅၂ ဦး ရှိပြီး ဆေးရုံတက်ရောက်နေသူ ၁၃၁၅ ဦး (အရေးပေါ်ကုသနေသူ ၂၈ ဦး)၊ Community Facilities တွင် ၁၃၁၆ ဦး၊ သေဆုံးသူ ၁၀ ဦး နှင့် ရောဂါပျောက်ကင်းသူ ၆၁၁ ဦး ရှိပြီဖြစ်သည်။