Twitter app logo က ဒီနေ့ X logo အသစ်နဲ့ ဖြစ်သွားပါပြီ။
Twitter ကို X အဖြစ် လွန်ခဲ့တဲ့ရက်ပိုင်းက နာမည်ပြောင်းထားတာ သိကြမှာပါ။ Twitter ရဲ့ တရားဝင် twitter handle ကိုပါ @x အဖြစ် ပြောင်းထားပြီးတဲ့အပြင် x.com ဆိုတဲ့ domain ကို ဝင်လိုက်ရင် twitter.com ကို redirect လုပ်ပေးနေပါပြီ။
ဒီနေ့မှာတော့ twitter ရဲ့ android နဲ့ ios apps logo တွေပါ X logo အသစ်နဲ့ ဖြစ်သွားပါပြီ။
Twitter ရဲ့ ပိုင်ရှင် Elon Musk ဟာ X အက္ခရာကို ကြိုက်နှစ်သက်တဲ့သူ ဖြစ်တဲ့အတွက် အခုလို နာမည်ပြောင်းခဲ့တာလား။ နောက်ကွယ်မှာ တခြားဘာအကြောင်းတွေ ရှိနေဦးမလဲ။
Elong Musk ဟာ သူ့ရဲ့ ပထမဆုံးလုပ်ငန်းဖြစ်တဲ့ Zip2 ကို Compaq Computer ထံ ရောင်းချခဲ့ပြီး one-stop ငွေကြေးလုပ်ငန်း x.com ကို တည်ထောင်ခဲ့ပါတယ်။ X.com မှာ ငွေကြေးနဲ့ပတ်သက်တဲ့ ဘဏ်အကောင့်တွေ၊ ငွေပေးချေမှုတွေ၊ ငွေချေးတာတွေနဲ့ ရင်းနှီးမြုပ်နှံတာတွေအကုန်လုံးကို one-stop တစ်နေရာတည်းမှာ အကုန်ရအောင် ဝန်ဆောင်မှု ပေးတာပါ။ အဲ့နောက်မှာ Confinity ဆိုတဲ့ အဖွဲ့အစည်းနဲ့ ပူးပေါင်းပြီး x.com ကနေ paypal ဖြစ်လာခဲ့ပါတယ်။
Elon Musk ဟာ ၂၀၂၂ ခုနှစ် အောက်တိုဘာမှာ Twitter ကို ဝယ်ယူပြီး မကြာခင်မှာပဲ Twitter ရုံးတွင်းပိုင်းက မူလအလုပ်လုပ်တဲ့ပုံစံတွေကို သူ့စိတ်ကြိုက်ပြောင်းလဲပစ်ခဲ့ပါတယ်။ ဒါ့အပြင် ဝန်ထမ်းအများစုကိုလည်း အလုပ်ထုတ်ပယ်ခဲ့ပါတယ်။ အခုတော့ twitter ကနေ X အဖြစ် ပြောင်းလဲခဲ့ပါပြီ။ သူ့ရဲ့ မူလ X.com ကိုလည်း paypal ထံကနေ ပြန်လည် ဝယ်ယူလိုက်ပါတယ်။ သူ့ရဲ့ ရည်ရွယ်ချက်က X ကို Everything app အဖြစ် အသွင်ပြောင်းဖို့ပါပဲ။ Videos, Photos, Messaging, Payments နဲ့ တခြား ဝန်ဆောင်မှုတွေပါ ထပ်ပေါင်းထည့်ဖို့ ကြံစည်နေတာပါ။
Elon Musk ဟာ X အက္ခရာကို ကြိုက်တဲ့သူတစ်ယောက်ပါ။ သူ့ရဲ့ တခြား လုပ်ငန်းတွေဖြစ်တဲ့ SpaceX, Tesla Model X တို့အပြင် သူ့သားနာမည်ကိုပါ X လို့ ပေးထားပါသေးတယ်။
