This post is also available in:
English
ဆမ်ဆောင်းဟာ သူတို့ရဲ့ Flagship Series အသစ်ဖြစ်တဲ့ Galaxy S21 အတွက် Unpacked event ကို ကျင်းပဖို့ တရားဝင်ထုတ်ဖော်ကြေညာလိုက်ပါပြီ။ ဆမ်ဆောင်းဟာ “Welcome to the Everyday Epic” ဆိုတဲ့ စာသားနဲ့အတူ အားလုံးကို ဖိတ်ခေါ်ထားတာ ဖြစ်ပြီး အဆိုပါပွဲကို မြန်မာစံတော်ချိန် ည ၉နာရီခွဲမှာ ကျင်းပမှာ ဖြစ်ပါတယ်။
ဒါ့အပြင် ဆမ်ဆောင်းက မိတ်ဆက် ဗီဒီယိုတစ်ခုကိုလည်း တင်ထားပါသေးတယ်။ ဗီဒီယိုထဲမှာ Galaxy S21 ရဲ့ ကင်မရာအစိတ်အပိုင်းကို မှုန်ဝါးဝါး ပြသထားတယ်လို့ ယူဆရပါတယ်။ ဗီဒီယိုထဲမှာ မြင်ရသလောက်ကတော့ ကင်မရာ သုံးလုံးဟာ ဒေါင်လိုက်တပြေးတည်း တည်ရှိနေပါတယ်။ နောက်ဆုံးထွက်ရှိထားတဲ့အချက်အလက်တွေအရတော့ Galaxy S21 နဲ့အတူ Galaxy S21 Plus, Galaxy S21 Ultra ဆိုပြီး သုံးမျိုး ကြေညာမယ်လို့ မျှော်လင့်ရပါတယ်။
ဆမ်ဆောင်းရဲ့ ဒီပွဲကို တရားဝင် Website ဖြစ်တဲ့ samsung.com အပြင် YouTube, Facebook, Twitter တို့မှာပါ တိုက်ရိုက် ပြသသွားမှာ ဖြစ်ပါတယ်။
