OnePlus 8 series ထွက်ရှိပြီးနောက်ပိုင်း OnePlus ဟာ ဈေးပိုသက်သာတဲ့ ဘတ်ဂျက်ဖုန်း ထုတ်ဖို့ ပြင်ဆင်နေတယ်လို့ သတင်းတွေ ထွက်ပေါ်လာပါတယ်။ ဖုန်းနာမည်ကိုလည်း OnePlus 8 Lite, OnePlus Z, OnePlus Nord အစရှိသဖြင့် သတင်းအမျိုးမျိုး ထွက်ပေါ်ခဲ့ပြီး အခုအခါမှာတော့ OnePlus Nord အဖြစ် နာမည်ပေးဖို့ သေချာခဲ့ပါပြီ။
OnePlus Nord ဆိုတဲ့နာမည်ကို နာမည်ကြီး Tipster Max. J ဆိုသူက ယခုလအစပိုင်းမှာ ဖော်ထုတ်ခဲ့ပြီး Twitter မှာ စတင်ရေးသားခဲ့ပါတယ်။ အစပိုင်းမှာတော့ ဒီ Nord ဆိုတဲ့ နာမည်ကို သိပ်မဖြစ်နိုင်ဘူးလို့ သံသယရှိခဲ့ကြပေမယ့် အခုအခါမှာတော့ OnePlus Nord လို အမည်ပေးထားတာ သေချာခဲ့ပါပြီ။ ဒီသတင်းကို သေချာစေခဲ့တာကတော့ OnePlusZLiteThing ဆိုတဲ့ OnePlus ရဲ့ instagram account မှာ မတော်တဆ တင်ခဲ့တဲ့ ပုံမှာ Nord ဆိုတဲ့ နာမည်ပါဝင်ခဲ့တာ ဖြစ်ပြီး မကြာခင်မှာ ပို့စ်ကို ပြန်ဖျက်သွားခဲ့ပါတယ်။
So OnePlus posted a bunch of images on Instagram and then deleted em, but yeah, there’s Nord for you 😀#oneplus #OnePlusNord #newbeginnings pic.twitter.com/P1jdOinbkT
— Mukul Sharma (@stufflistings) June 24, 2020
ဒါပေမယ့် ဒီပို့စ်ကို screenshot ရယူထားနိုင်ခဲ့တဲ့ အသုံးပြုသူတွေက twitter မှာ ပြန်လည် မျှဝေထားတာ တွေ့ရပါတယ်။ အဆိုပါ instagram ပို့စ်မှာ ဖုန်းထုတ်လုပ်နိုင်ခဲ့မှုကို development team က အောင်ပွဲခံနေတဲ့ ပုံနဲ့အတူ Nord ဆိုတဲ့ စာသားပါတဲ့ ကတ်ရယ် ‘Here’s to the first 100’ စာသားပါ ကတ်ရယ်ကို တွေ့ရမှာပါ။
OnePlus Nord ကို Snapdragon 765G, 90Hz display တို့နဲ့အတူ ထွက်ရှိလာမယ်လို့ ခန့်မှန်းထားကြပြီး multiple ကင်မရာ ပါဝင်မယ်လို့လည်း ပြောဆိုနေကြပါတယ်။ ထွက်ရှိမယ့်အချိန်ကတော့ လာမယ့် ဇူလိုင်လအတွင်း ဖြစ်မှာပါ။
