This post is also available in:
English
‘Slingshots’ (လေးခွ) လို့ အမည်ပေးထားတဲ့ ဓါတ်ပုံတစ်ပုံနဲ့ ‘Uprising in Myanmar’ လို့ အမည်ပေးထားတဲ့ ဓါတ်ပုံ (၁၀) ပုံကို World Press Photo က ဆုချီးမြှင့်ပေးလိုက်ပါတယ်။ Slingshots ဓါတ်ပုံဟာ Singles ကဏ္ဍမှာ ဆုရရှိခဲ့တာ ဖြစ်ပြီး ‘Uprising in Myanmar’ ကတော့ Honorable Mention ကဏ္ဍ မှာ ဆုရရှိခဲ့တာ ဖြစ်ပါတယ်။
၂၀၂၁ ခုနှစ် ဖေဖော်ဝါရီ ၁ ရက်နေ့ မြန်မာပြည်ရဲ့ ရွေးကောက်ခံအမတ်များ လွှတ်တော်မကျင်းပခင် နာရီပိုင်းအလိုမှာ မြန်မာစစ်တပ်ဟာ အာဏာကို အဓမ္မ ရယူခဲ့ပါတယ်။ လူသိန်းပေါင်းများစွာ နိုင်ငံအနှံ့ ဆန္ဒပြခဲ့ကြပြီး ဆန္ဒပြပွဲတွေကို မြန်မာစစ်တပ်က အကြမ်းဖက် ဖြိုခွဲခဲ့ပါတယ်။ အာဏာသိမ်းတဲ့ ပထမဆုံးလမှာတင် အပြစ်မဲ့ အရပ်သား ၁၀၀၀ ကျော် အသတ်ခံခဲ့ရပါတယ်။ ‘Slingshots’ လို နာမည်ပေးထားတဲ့ ဒီဓါတ်ပုံမှာ လက်နက်အင်အားကြီးမားတဲ့ မြန်မာစစ်တပ်ကို လေးခွတွေနဲ့ ခုခံနေကြတဲ့ မြန်မာပြည်သူတွေကို တွေ့ရမှာ ဖြစ်ပါတယ်။
သမိုင်းတလျှောက် လွတ်လပ်စွာ ပြောဆိုခွင့် အတွက် ပေးဆပ်မှု ကြီးမားခဲ့တဲ့ အရှေ့တောင်အာရှ နိုင်ငံတွေရဲ့ ဆန္ဒပြပွဲကို ဒီဓါတ်ပုံက မီးမောင်းထိုးပြထားတယ်။ လက်နက်အင်အား အဆမတန် သာလွန်တဲ့ စစ်တပ်ကို လေးခွတွေနဲ့ ခုခံနေတဲ့ ပုံရိပ်ဟာ ဒီမိုကရေစီကို ရသမျှနည်းလမ်းနဲ့ ကာကွယ်ဖို့ ဆုံးဖြတ်ထားတဲ့ မြန်မာလူမျိုးတွေရဲ့ စိတ်ဓါတ်ကို ဖော်ညွှန်းပြနေပါတယ်။ ဒီဓါတ်ပုံကို ရိုက်ခဲ့တဲ့ သတင်းသမားဟာ ဒီဆန္ဒပြသူတွေရဲ့ အခက်အခဲတွေကို ပေါ်လွင်အောင် ပြသနိုင်ခဲ့တယ်။ ဒီပုံရိပ်တွေဟာ ဒေသတွင်း လူမျိုးတွေရဲ့ ဒီမိုကရေစီအတွက် တိုက်ပွဲဝင်ဖို့ မျှော်လင့်ချက်တွေ၊ စိတ်ဓါတ်တွေကို မြှင့်တင်ပေးနိုင်ခဲ့တယ်။
World Press Photo Jury commented
ဓါတ်ပုံ ၁၀ ပုံ ပါဝင်တဲ့ ဒီအယ်ဘမ်ကို ၂၀၂၁ ခုနှစ် ဖေဖော်ဝါရီလအတွင်း ရန်ကုန်မြို့မှာ ရိုက်ကူးထားခဲ့တယ်။ စစ်အာဏာသိမ်းပြီး တစ်ပတ်အတွင်းမှာပဲ ဆန္ဒပြပွဲတွေဟာ လူအစုလိုက်ကနေ တနိုင်ငံလုံးအတိုင်းအတာနဲ့ ပျံ့နှံ့လာခဲ့တယ်။
ဒီဓါတ်ပုံသမားတွေရဲ့ မြန်မာနိုင်ငံမှာ ခက်ခက်ခဲခဲ ကြိုးစားရိုက်ခဲ့ရတာရယ်၊ သတင်းလွတ်လပ်ခွင့်၊ လူ့အခွင့်အရေး နည်းပါးလာတဲ့ ဒေသတွင်းနိုင်ငံတွေက သတင်းသမားတွေအတွက် ဒီဆုကို ချီးမြှင့်ခဲ့တာပါ။ လူထုရဲ့ ဒီမိုကရေစီအရေး လှုပ်ရှားမှုတွေအပြင် ခက်ခဲတဲ့ အခြေအနေမှာ မှတ်တမ်းတင်ရတဲ့ သတင်းသမားတွေကို အသိအမှတ်ပြုရပါမယ်။
World Press Photo Jury commented
