Apple ဟာ တနင်္လာနေ့က WWDC 2020 မှာ iOS 14, macOS Big Sur နဲ့ WatchOS updates တွေကို ကြေညာခဲ့ပါတယ်။ ဒီထဲက iOS 14 ရဲ့ features အချို့ဟာ Android ကနေ မှီငြမ်းထားတယ်လို့ ပြောဆိုမှုများ ရှိနေပါတယ်။ iOS ရဲ့ ဘယ် feature တွေက Android မှာ ရရှိပြီးသား ဖြစ်နေမလဲဆိုတာကို ဖော်ပြပေးလိုက်ပါတယ်။
Translate
iOS 14 မှာ Apple ဟာ Translate app အသစ်ကို မိတ်ဆက်ခဲ့ပြီး ဘာသာစကား ၁၁ မျိုးကို (real-time)ချက်ချင်း ဘာသာပြန်ပေးနိုင်မယ်လို့ ဆိုပါတယ်။
Android မှာ Google ရဲ့ နာမည်ကြီး Google Translate ဟာ ၁၄ နှစ်သက်တမ်း ရှိခဲ့ပြီဖြစ်ပြီး ဘာသာစကား (၈) မျိုးကို real-time ဘာသာပြန်ပေးနိုင်ပါတယ်။
Widgets
iOS 14 မှာ Home Screen ကို အပြောင်းအလဲ ပြုလုပ်ထားပြီး widgets တွေကို home screen ကို စိတ်ကြိုက် တင်ထားနိုင်မှာပါ။
ဒါပေမယ့် Google ရဲ့ Android မှာတော့ Widget တွေကို ၂၀၀၈ ခုနှစ်ကတည်းက စိတ်ကြိုက်စီမံလို့ ရခဲ့တာ ဖြစ်ပါတယ်။
App Clips
iOS 14 ရဲ့ App Clips လုပ်ဆောင်ချက်ဟာ app ကို install လုပ်စရာမလိုပဲ တခါသုံးအနေနဲ့ လျှင်လျှင်မြန်မြန် ပေါ့ပေါ့ပါးပါး အသုံးပြုနိုင်တာ ဖြစ်ပါတယ်။ ဥပမာ – ပါကင်ကြေးပေးဖို့ app ကို ဒေါင်းလုပ်လုပ်စရာမလိုပဲ အသုံးပြုနိုင်တာမျိုးပါ။
Android မှာလည်း Instant App ဆိုတဲ့ အလားတူ လုပ်ဆောင်ချက်မျိုးကို ၂၀၁၆ ခုနှစ်က စတင်မိတ်ဆက်ခဲ့ပါတယ်။ Instant apps ဟာ app တစ်ခုစီအတွက် သီးသန့် URL ရရှိပြီး လက်မှတ်ဝယ်တာမျိုးလို ကိစ္စမျိုးအတွက် app ကို install ပြုလုပ်စရာ မလိုပဲ အဆင်သင့် အသုံးပြုနိုင်ပါတယ်။
Maps
iOS 14 ရဲ့ Maps မှာ စက်ဘီးလမ်းကြောင်းတွေ အသစ်ထပ်ထည့်ပေးထားပါတယ်။ စက်ဘီးလမ်းကြောင်းဟာ လူရှင်းနေလား၊ လူတွေ များနေလား၊ လမ်းကြောင်းတစ်လျှောက်မှာ လှေကားရှိလား အစရှိသဖြင့် ကြည့်လို့ရမှာ ဖြစ်ပါတယ်။
Google Maps ဟာ စက်ဘီးလမ်းကြောင်းကို ၂၀၁၀ ကတည်းက စတင်အသုံးပြုနိုင်ခဲ့ပြီး လှေကားရှိမရှိ မပြပေးနိုင်ပေမယ့် လမ်းကြောင်းတစ်လျှောက် အနိမ့်အမြင့်တွေကို ပြသပေးနိုင်ပါတယ်။
Picture In Picture
Apple က iOS 14 မှာ Picture in picture လုပ်ဆောင်ချက် ရရှိမယ်လို့ ကြေညာထားပါတယ်။ Picture in picture ဆိုတာ တခြား app တွေ အသုံးပြုနေချိန် video ကို box အသေးနဲ့ ပြပေးတာ ဖြစ်ပါတယ်။
Android မှာလည်း Picture in picture ရရှိပြီး ဖြစ်ပြီး video ကြည့်ရင်း တခြား app တွေကို တပြိုင်တည်း အသုံးပြုနိုင်ပါတယ်။
Wind Down mode
နောက်ထပ် feature တစ်ခုက Wind Down mode ဖြစ်ပါတယ်။ Wind Down mode ဆိုတာက သင့်ရဲ့ အိပ်ရာဝင်ချိန်၊ အိပ်ရာထချိန်ကို သတ်မှတ်ထားနိုင်တာ ဖြစ်ပြီး Wind Down mode အတွင်းမှာ ဖုန်းကို Do Not Disturb ပြုလုပ်ပေးမှာ ဖြစ်ပါတယ်။
Android မှာလည်း Wind Down mode ရရှိပြီး ဖြစ်ပြီး Google Home app ကနေ bedtime routine သတ်မှတ်ထားနိုင်ပါတယ်။
WWDC 2020 ရဲ့ အချက်အလက် အပြည့်အစုံကို ဒီမှာ ကြည့်နိုင်ပါတယ်။
