This post is also available in:
English
ဒီကနေ့ မနက်ပိုင်းမှ စတင်ကာ Facebook သုံးစွဲသူအကောင့်တွေရဲ့ Followers အရေအတွက် မှားယွင်းပြသမှုများ ဖြစ်ပေါ်နေတယ်လို့ သိရပါတယ်။ အခုလို မှားယွင်းပြသမှုဟာ Followers များစွာရှိတဲ့ နာမည်ကြီး အနုပညာရှင်များ၊ Influencer များမှာ ပိုမိုသိသာပါတယ်။ Facebook ရဲ့ တည်ထောင်သူ မာ့ခ်ဇူကာဘတ် ရဲ့ အကောင့်ကိုယ်တိုင် Followers သန်း ၁၀၀ ကျော်ရှိရာကနေ ကိုးထောင်ကျော်သာ လက်ရှိမှာ ပြသနေတာ ဖြစ်ပါတယ်။
Public မှာ ပြသတဲ့အရေအတွက်က မှားယွင်းနေပေမယ့် အရေအတွက်ကို နှိပ်ပြီး ဝင်ကြည့်ရင်တော့ အမှန်အတိုင်း မြင်တွေ့နေရပါတယ်။
လေ့လာသူတွေကတော့ Facebook ရဲ့ နည်းပညာ ချို့ယွင်းမှုကြောင့် ဖြစ်နိုင်တယ်လို့ ပြောဆိုနေကြသလို Facebook ဘက်က Bot အကောင့်များကို လျှော့ချဖို့ လုပ်နေတာကြောင့်လို့လည်း ထင်ကြေးပေးနေကြပါတယ်။ အချို့ကတော့ Facebook ရဲ့ လုံခြုံရေး ကျိုးပေါက်မှုကြောင့် ဖြစ်နိုင်တယ်လို့လည်း ခန့်မှန်းနေကြပါတယ်။
Facebook ဘက်ကတော့ ဘာကြောင့် ဖြစ်ရတယ်ဆိုတာကို တရားဝင် ထုတ်ဖော်ပြောကြားခြင်း မရှိသေးပါဘူး။
Copy this code to get iMovies Points.
