Messenger Rooms အကြောင်း သိထားသင့်တဲ့ အချက်များ

This post is also available in: English

Facebook ဟာ Video Conferencing လောကမှာ နေရာတစ်ခုရဖို့ Messenger Rooms ကို စတင်အသုံးပြုခွင့် ပေးလိုက်ပါပြီ။ ဒီတော့ Messenger Rooms နဲ့ ပတ်သက်ပြီး သိသင့်တဲ့ အချက်လေးတွေကို စုစည်းပေးလိုက်ပါတယ်။

1. Messenger Rooms မှာ လူ အယောက် ၅၀ အထိ Video Call ကို တပြိုင်တည်း ပြုလုပ်နိုင်ပါတယ်။
2. အချိန်ကန့်သတ်ချက် မရှိ အသုံးပြုနိုင်မှာပါ။
3. သတိထားရမှာကတော့ Messenger Rooms ဟာ WhatsApp လို End to End Encryption မဟုတ်ပါဘူး။
4. Messenger Rooms ကို စတင် ပြုလုပ်မယ့်သူဟာ facebook အကောင့် ရှိဖို့ လိုမှာ ဖြစ်ပေမယ့် Rooms ကို join မယ့်လူတွေက facebook အကောင့် ရှိဖို့ မလိုပါဘူး။
5. Messenger Rooms ကို စတင်ဖို့ Facebook ကနေဆိုရင် Newsfeed, Groups တွေနဲ့ Events တွေကနေ စတင်နိုင်ပြီး Rooms ကို join နိုင်ဖို့ လင့်ခ်ကို ရှဲပေးရမှာပါ။
6. Messenger app ကနေဆိုရင် People tab ကို သွားပြီး Create a room ကို နှိပ်ပါ။
7. Rooms ကို စတင်တဲ့လူက မိမိပြုလုပ်ထားတဲ့ Room ကို Lock လုပ်ထားနိုင်သလို join ထားတဲ့ လူတွေကိုလည်း ထုတ်ပယ်နိုင်မှာပါ။
8. လောလောဆယ် messenger rooms အတွက် password ခံထားနိုင်မယ့် လုပ်ဆောင်ချက် မပါရှိသေးပါဘူး။
9. သိပ်မကြာခင်မှာ Messenger Rooms ကို Instagram နဲ့ Whatsapp မှာပါ အသုံးပြုနိုင်မယ်လို့ ဆိုပါတယ်။

COVID-19 ကြောင့် Video Conferencing app တွေရဲ့ အခန်းကဏ္ဏဟာ အရေးကြီးတဲ့နေရာကို ရောက်ရှိလာပါတယ်။ Video Conferencing app တစ်ခုဖြစ်တဲ့ Zoom ဟာ နေ့စဉ် အသုံးပြုသူ သန်း ၃၀၀ အထိ ရောက်ရှိလာပြီး Google အနေနဲ့လည်း မကြာသေးခင်က Google Meet ကို အခမဲ့ အသုံးပြုခွင့် ပေးခဲ့ပါတယ်။