Facebook အနေနဲ့ အသုံးပြုသူတွေကို ပိုမိုဆွဲဆောင်နိုင်ဖို့ လုပ်ဆောင်ချက်အသစ်တွေကို တစ်ခုပြီး တစ်ခု ထည့်သွင်းပေးလျက်ရှိပါတယ်။ ယခုတကြိမ်တွင်လည်း မိမိရဲ့ ပုံတူ ရုပ်ပုံလေးများ ပြုလုပ်နိုင်မည့် Facebook Avatar ကို အမေရိကန်နိုင်ငံတွင် စတင်အသုံးပြုခွင့် ပေးခဲ့ပြီ ဖြစ်ပါတယ်။
Facebook Avatar ကို ယမန်နှစ်က စတင် မိတ်ဆက်ခဲ့ပြီး ကနေဒါ၊ နယူးဇီလန်၊ ဩစတြေးလျနဲ့ ဥရောပနိုင်ငံတွေမှာ အသုံးပြုခွင့် ပေးခဲ့ပါတယ်။ ယခုအခါမှာတော့ အမေရိကန်နိုင်ငံတွင်ပါ ဆက်လက်အသုံးပြုခွင့် ပြုခဲ့ပြီး မိမိရဲ့ ရုပ်ပြောင်ကို ဆံပင်ပုံစံ၊ အသားအရောင်နဲ့ အဝတ်အစားတွေ ပြောင်းလဲဖို့ ရွေးချယ်စရာများ ထပ်မံထည့်သွင်းပေးခဲ့ပါတယ်။
Facebook အနေနဲ့ နိုင်ငံတစ်ချို့မှာ စတင်အသုံးပြုခွင့် ရနေပြီဖြစ်တဲ့ Avatar လုပ်ဆောင်ချက်ကို တကမ္ဘာလုံးအသုံးပြုနိုင်မယ့်နေ့ကို အတိအကျ မထုတ်ပြန်ထားပေမယ့် မကြာခင်အချိန်အတွင်း အသုံးပြုနိုင်မယ်လို့ မျှော်လင့်ရပါတယ်။
