iPhone 14 Series ကိုပြီးခဲ့တဲ့ စက်တင်ဘာလ ၁၆ ရက်နေ့တုန်းက စတင်မိတ်ဆက်ခဲ့တာကို အားလုံးသိကြမှာပါ။အပြောင်းအလဲတွေနဲ့အတူ iPhone 14 Pro Max မှာပါလာတဲ့ Dynamic Island ကတော့ အားလုံးကြားလှုပ်လှုပ်ရှားရှား ဖြစ်သွားစေခဲ့ပါတယ်။ခုတော့ iPhone 14 Series ထွက်ထားတာမှ တစ်လလောက်ပဲရှိသေးချိန် iPhone 15 နဲ့ပတ်သက်တာတွေ ထပ်မံထွက်ပေါ်လာပါတယ်။
LeaksApplePro ဆိုတဲ့ Twitter အကောင့်ကနေ Paid Article တစ်ခုနဲ့ iPhone 15 အကြောင်းတွေကို leak လုပ်ခဲ့တာဖြစ်ပါတယ်။အဲ့ဒီ Article အရ 15 Series ဟာ နောက်ဆုံးထွက်ထားတဲ့ 14 နဲ့တင်မက 15 Model အချင်းချင်းမှာတောင် ကွာဟမှုတော်တော်ကြီးမားမယ်လို့သိရပါတယ်။ Series ထဲမှာ iPhone 15,15 Plus,15 Pro နဲ့ 15 Ultra တို့ဆိုပြီး လေးမျိုးထွက်လာမှာပါ။ Pro Max နေရာမှာ Ultra ကိုအစားထိုးလိုက်တာဖြစ်ပြီး Model အကုန်လုံးမှာ Dynamic Island ပါလာမယ်လို့သိရပါတယ်။
လက်ရှိ လူပြောအများဆုံးကတော့ iPhone 15 Ultra ပါ။ဘော်ဒီပိုင်းကို တိုက်တေနီယံကိုသုံးပေးထားမယ်လို့ သတင်းထွက်နေပြီး EU ရဲ့ကန့်သတ်မှုတွေကြောင့် ပထမဆုံးအနေနဲ့ Type-C အားသွင်းပေါက်ကိုပါ အသုံးပြုထားမယ်လို့သိရပါတယ်။15 Ultra တင်မကပဲ မော်ဒယ်အကုန်လုံးမှာ Type-C ပါလာမှာပါ။ဟိုးအရင်တုန်းက သတင်းထွက်ခဲ့သလိုမျိုး ဘာအပေါက်မှလုံးဝမပါပဲ Portless လုပ်ပစ်မယ့် အရိပ်အယောင်မျိုးတော့ မမြင်ရသေးပါဘူး။
နောက်ထပ် အပြောင်းအလဲကြီးကြီးမားမားကတော့ Front မှာ Camera နှစ်လုံးပါလာမှာဖြစ်ပြီး ဒါဟာ iPhone တွေထဲမှာ ပထမဆုံး Front Camera နှစ်လုံးပါလာတာဖြစ်ပါတယ်။ရှေ့ရော နောက်ရော ဘယ် Camera တွေကိုသုံးထားမလဲ ဘယ်လောက် Megapixels တွေပါမလဲဆိုတာတော့ မသိရသေးပါဘူး။ 15 Ultra မှာ A17 Chipset ကိုလည်း သုံးထားမယ့်အပြင် CPU တွေ RAM တွေလည်း အရင်ကထက်တိုးလာမယ်လို့သိရပါတယ်။
ဒါကတော့ လက်ရှိ leak လာတဲ့ iPhone 15 နဲ့ပတ်သက်သမျှအကြောင်းတွေဖြစ်ပါတယ်။ Tech Vlogger တွေကြား ဒီသတင်းက အရမ်း Hot နေပြီး 14 Series ကိုမဝယ်သင့်ပဲ 15 ကိုစောင့်သင့်တယ်လို့ အသံတွေပါထွက်လာကြပါတယ်။ဒါပေမဲ့ iPhone အသစ်တွေနဲ့ပတ်သက်လို့ Leak သမျှတွေကလည်း အကုန်မမှန်တော့ ဘယ်လိုဖြစ်လာမလဲဆိုတာတော့ နောက်ပိုင်းဆက်ကြည့်ရမှာပါ။
Copy this code to get iMovies Points.
