ရန်ကုန်တိုင်း ဒေသကြီး အစိုးရက မြို့နယ်ကျော်သွားလာခွင့်ကို ကန့်သတ်လိုက်ပြီးနောက်ပိုင်း တဆက်တည်းမှာပင် ဖွင့်လှစ်ခွင့် ရရှိထားသော လုပ်ငန်းများအတွက် မြို့နယ်ကျော်သွားလာခွင့်ကို Online မှတဆင့် QR Pass လျှောက်ထားရယူနိုင်ရန် စီစဉ်ခဲ့ကြသည်။ ယခုစီမံကိန်းကို UMFCCI က ဦးဆောင်ပြုလုပ်ခဲ့ပြီး မြန်မာနိုင်ငံကွန်ပျူတာအသင်းချုပ် (MCF) မှ ပူးပေါင်း ကူညီဆောင်ရွက်ခဲ့သည်ဟု ယူဆရပါသည်။
ဝန်ဆောင်မှု စတင်ပြီး မကြာမီမှာပင် သုံးစွဲသူ များပြားလွန်းခြင်းကြောင့် Server Error တက်ခြင်းများ ကြုံတွေ့ခဲ့ရပြီး အဆိုးဆုံးအနေဖြင့် Register ပြုလုပ်ထားသည့် လုပ်ငန်းများ၊ ဝန်ထမ်းများ၏ ပုဂ္ဂိုလ်ရေးအချက်အလက်များ ပေါက်ကြားသည့် ဖြစ်ရပ် ဖြစ်ပေါ်ခဲ့သည်။
ထိုကဲ့သို့ ပုဂ္ဂိုလ်ရေးအချက်အလက် ပေါက်ကြားမှုများအတွက် တာဝန်ယူ၊ တာဝန်ခံမည့်သူ မရှိသေးပဲ ယခု (စက်တင်ဘာ ၂၈ ရက် မြန်မာစံတော်ချိန် ညနေ ၅ နာရီ) အထိ အဆိုပါ ချို့ယွင်းချက်ကို ပြင်ဆင်နိုင်ခြင်း မရှိသေးပေ။ အချက်အလက်ပေါက်ကြားမှုအပြင် သုံးစွဲရာတွင်လည်း အဆင်မပြေမှုများ ရှိနေသေးကြောင်း လူမှုကွန်ယက်တွင် ဝေဖန်သံများ မြင့်တက်လျက်ရှိသည်။ ဝန်ထမ်းများ ထည့်ရာတွင်လည်းကောင်း၊ ကားများ ထည့်ရာတွင်လည်းကောင်း၊ ထည့်ပြီးသော်လည်း စာရင်းတွင် မပေါ်လာခြင်း၊ မှားထည့်မိသော စာရင်းများ ပြန်ဖျက်မရခြင်း၊ Invalid QR code ပြသနေခြင်း အစရှိသည့် အခက်အခဲများ ကြုံတွေ့နေရသည်။
Copy this code to get iMovies Points.
