ကရင်နီပြည်နယ်အတွင်း အကြမ်းဖက် စစ်ကောင်စီမှ လက်နက်ကြီး ရမ်းသမ်းပစ်ခတ်မှုကြောင့် မတ်လ (၈) ရက်နေ့တွင် Free Burma Rangers အဖွဲ့မှ အမျိုးသမီးတပ်ဖွဲ့ဝင် အဲလစ်စ်ဘတ် အပြင်းအထန်ဒဏ်ရာရရှိခဲ့ပြီး ဆေးကုသမှုခံယူရင်း မတ်လ (၉) ရက်နေ့တွင် ကျဆုံးခဲ့ကြောင်း သိရှိရသည်။
“၈ ရက်နေ့ ၂ နာရီအချိန် ဆောင်ဒူလာရွာထဲကို လေယာဥ်နဲ့ ဗုံးလာကျဲလို့ ပြည်သူအများအပြားကျန်နေသေးတာ သွားခေါ်ထုတ်ရင်း အဲနေရာမာပဲ လက်နက်ကြီးထပ်ပစ်လို့ ခေါင်းပွင့်သွားတယ်။ ဆေးကုသမှုခံယူရင်း ၉ ရက်နေ့ နံနက် ၇ ခွဲမာပဲကျသွားတယ်။”လို့ Free Burma Rangers အဖွဲ့ဝင်တစ်ဦး၏ ပြောဆိုချက်ကို ဒေသခံမီဒီယာ ကန္တာရဝတီတိုင်းမ် သတင်းဌာနက ဖော်ပြထားသည်။
ကရင်နီပြည်နယ်အတွင်း တိုက်ပွဲများ ဆက်လက်ပြင်းထန်လျှက်ရှိပြီး အကြမ်းဖက် စစ်ကောင်စီမှ လေယာဉ်ဖြင့် ဗုံးကြဲမှုများ အဆက်မပြတ် လုပ်ဆောင်လျက်ရှိကြောင်း သိရှိရသည်။
