အမျိုးသားညီညွတ်ရေးအတိုင်ပင်ခံကောင်စီ (NUCC) က ပင်လုံစာချုပ် ချုပ်ဆိုခြင်း (၇၅) နှစ်ပြည့် နှစ်ပတ်လည်နေ့တွင် အချက် (၇) ချက်ပါ သဘောထားထုတ်ပြန်ချက်ကို ယနေ့ ဖေဖော်ဝါရီ (၁၂) ရက်တွင် ထုတ်ပြန်လိုက်သည်။
ခေတ်အဆက်ဆက် စစ်အာဏာရှင်များ၊ အစိုးရများမှ ပြည်သူလူထုအပေါ် ခွဲခြားဖိနှိပ်မှုများ၊ လူသားမျိုးနွယ်ကို ဆန့်ကျင့်သော ရာဇဝတ်မှုများနှင့် စစ်ရာဇဝတ်မှုများ၊ လူမျိုးသုဉ်း သတ်ဖြတ်မှုများ ကျူးလွန်ခဲ့မှုနှင့် ပတ်သက်၍ နစ်နာသူများအား အမျိုးသားညီညွတ်ရေးအစိုးရက ယနေ့ ပြည်သူ့အစိုးရတရပ်ဖြစ်သည်နှင့်အညီ တာဝန်ယူမှု၊ တာဝန်ခံမှု အပြည့်ဖြင့် တောင်းပန်၍ လုပ်ဆောင်သင့်သည့်ကိစ္စရပ်များကို ပြတ်ပြတ်သားသား လုပ်ဆောင်သွားရန် တိုက်တွန်းကြောင်းလည်း အဆိုပါ ထုတ်ပြန်ချက်တွင် ပါရှိသည်။
အစိုးရအဆက်ဆက်က ပင်လုံစာချုပ်၊ ပင်လုံကတိကဝတ်များအား ချိုးဖောက်ကာ သမိုင်းတလျှောက် ရက်ရက်စက်စက် ဖိနှိပ်အနိုင်ကျင့်ခဲ့မှုများ၊ ခွဲခြားဆက်ဆံမှုများအတွက် အမျိုးသားညီညွတ်ရေးအတိုင်ပင်ခံကောင်စီ (NUCC) အနေဖြင့်လည်း တိုင်းရင်းသားပြည်သူတရပ်လုံးအား လေးနက်စွာ တောင်းပန်ကြောင်းလည်း ဖော်ပြထားသည်။
ပင်လုံစာချုပ် ချုပ်ဆိုခြင်း ၇၅ နှစ်မြောက် အခမ်းအနား ကြည့်ရန်
Copy this code to get iMovies Points.
