COVID-19 အချိန်ကာလနဲ့ အဆင်ပြေစေမယ့် feature အသစ်နှစ်ခုပါဝင်တဲ့ iOS 13.5 ကို Apple က ထုတ်ပေးလိုက်ပါပြီ။ iOS 13.5 မှာ ပါဝင်လာတဲ့ feature တွေက mask တပ်ထားချိန်မှာ ဖုန်းကို ပိုမိုမြန်ဆန်စွာ unlock လုပ်နိုင်ဖို့နဲ့ နောက်တစ်ခုက Google နဲ့ Apple အတူပူးပေါင်းပြီး ဖန်တီးထားတဲ့ exposure notification system ပါ။
iOS ရဲ့ အရင် ဗားရှင်းတွေမှာ mask တပ်ထားတဲ့အချိန် face unlock လုပ်ဖို့ စက္ကန့်အနည်းငယ်လောက် အချိန်စောင့်ဆိုင်းပြီးမှ passcode ရိုက်ထည့်ဖို့ ပေါ်လာတာဖြစ်ပါတယ်။ iOS 13.5 မှာတော့ mask တပ်ထားတဲ့အချိန် swipe up လုပ်လိုက်တာနဲ့ တပြိုင်နက်တည်း passcode ရိုက်ထည့်နိုင်ဖို့ လုပ်ဆောင်ပေးထားပါတယ်။ ဒါကြောင့် အရင်လို အချိန်စောင့်ဆိုင်းစရာမလိုပဲ screen unlock ပြုလုပ်နိုင်မှာ ဖြစ်ပါတယ်။
Apple ဟာ Google နဲ့ ပူးပေါင်းပြီး exposure notification API ကို ပြုလုပ်ထားပါတယ်။ exposure notification API ဆိုတာကတော့ သင့်ဖုန်းမှာ Public Health Agency တွေရဲ့ ခြေရာခံအက်ပ် တွေ ရှိနေမယ်ဆိုရင် COVID 19 လူနာတွေနဲ့ ထိတွေ့မှု ရှိခဲ့ဖူးတာနဲ့ အသိပေးချက် ပြပေးတဲ့ စနစ်တစ်ခုပါ။ iOS 13.5 မှာ ဒီ API ကို အထောက်အပံ့ပေးထားပါတယ်။ ဒါပေမယ့် System default အနေနဲ့ကတော့ ဒီ API က active မဖြစ်ပါဘူး။ contact tracing apps တွေရှိမှသာ ဒီ API က အလုပ်လုပ်မှာ ဖြစ်ပါတယ်။
Apple နဲ့ Google တို့ဟာ ဒီစနစ်ကို ဖုန်းရဲ့ Operation System ထဲ ထည့်သွင်းဖို့ စီစဉ်နေပြီး System ထဲ ထည့်သွင်းပြီးရင်တော့ ခြေရာခံအက်ပ်တွေ မရှိရင်တောင် အသိပေးချက်ပို့ပေးလာနိုင်မှာ ဖြစ်ပါတယ်။
