ဆိုလာတွေကို ကမ္ဘာ့အနှံ့အပြားက လျှပ်စစ်မီးမရနိုင်ကြတဲ့နေရာတွေ သန့်စင်တဲ့လျှပ်စစ်စွမ်းအင် အများအပြားလိုအပ်တဲ့နေရာတွေမှာ တွင်တွင်ကျယ်ကျယ် အသုံးပြုနေကြပါတယ်။စက်ရုံအလုပ်ရုံသုံး ပန်နယ်အကြီးကြီးတွေကနေ Power Bank ထဲ Build In ထည့်ထားလို့ရတဲ့ထိ သေးသေးလေးတွေလည်း ထုတ်လုပ်ကြပါတယ်။ဆိုလာကိုအသေးဆုံးနဲ့ အထိရောက်ဆုံးဖြစ်အောင်ဖန်တီးတဲ့နေရာမှာတော့ အင်္ဂလန်နိုင်ငံ နော်တင်ဟမ်မြို့က Nottingham Trent တက္ကသိုလ်က E-textiles တစ်မျိုးနဲ့ နောက် Level တစ်ခုကိုယူဆောင်သွားပါပြီ။
အဲ့ဒါကတော့ အဝတ်စတစ်ခုထဲမှာ ဆိုလာအစလေးပေါင်း ထောင်ချီပြီးတော့ကို ထည့်ချုပ်ထားတာဖြစ်ပါတယ်။ဒါပေမဲ့အဝတ်စကလည်း ထွေထွေထူးထူးဖန်တီးထားတဲ့ အဝတ်စမဟုတ်ပဲ ပုံမှန်အဝတ်တွေလိုပဲ ဝတ်ဆင်လျှော်ဖွတ်လို့ရတဲ့ အဝတ်စပါ။ဆိုလာစပေါင်း ၁၂၀၀ ပါဝင်ပြီး နေရောင်အောက်မှာ လျှပ်စစ်ဓာတ်အား 400 milliwatts ထိထုတ်နိုင်တာကြောင့် မိုဘိုင်းဖုန်းတွေနဲ့ Small Gadget တွေကို အားကောင်းကောင်းသွင်းနိုင်တယ်လို့သိရပါတယ်။အဝတ်စကို တခြားအထည်တွေမှာတွဲဖက်ချုပ်ထားနိုင်ပြီး အပူချိန် 40°C မှာတခြားအဝတ်တွေနဲ့အတူတူလျှော်ဖွတ်နိုင်ပါတယ်။ရေစိုခံပိုလီမာ Resin တွေကိုလည်းသုံးထားလို့ ရေစိုမယ့်ဒဏ်ကို ကြောက်စရာမလိုတဲ့အပြင် ဝတ်တဲ့သူကလည်း ဆိုလာတွေရှိနေမှန်းတောင် ခံစားရမှာမဟုတ်ဘူးလို့ ဆိုပါတယ်။ဆိုလာလေးတွေဟာ တစ်ခုကို 1.5mm လောက်ကျယ်ပြီး 5mm အရှည်ရှိကာ တစ်ခုချင်းစီကို ဆီလီကွန်နဲ့လုပ်ထားတာကြောင့် တော်ရုံတန်ရုံထိခိုက်တဲ့ဒဏ်ကို ခံနိုင်တယ်လို့သိရပါတယ်။ဆိုလာပြားလေးတွေစုစုပေါင်းဟာ 0.86 နေရောင်အောက်မှာ 335.3mW ထိထုတ်လုပ်နိုင်ပါတယ်။
ဒီပရောဂျက်ကိုဖန်တီးသူကတော့ တက္ကသိုလ်ရဲ့ အနုပညာနဲ့ဒီဇိုင်းပိုင်းက Dr.Theodore Hughes-Riley နဲ့အဖွဲ့ပါ။သူကလည်း ဒီပရောဂျက်ဟာ အဝတ်အစားတွေ ဒီဇိုင်းပိုင်းတွေနဲ့ လူတွေနေ့စဥ်အသုံးပြုနေကြတဲ့ Electroin Device တွေကိုချိတ်ဆက်ဖို့ ခြေလှမ်းသစ်တစ်ခုဖြစ်တယ်လို့ ပြောခဲ့ပါတယ်။ E-textiles တွေဟာနဂိုတကည်းက Build-in လျှပ်စစ်ပစ္စည်းတွေပါဝင်တဲ့ အဝတ်အစားတွေရှိကြပေမဲ့ ဆိုလာပြားပါတာကတော့ ခုမှပထမဆုံးဖြစ်ပါတယ်။
